Meine Website ist aus purer Freude am Rock entstanden !

Seit ich 1974 den Woodstock-Film (Wiki) von 1969 im Sunset in Ritzing zum ersten Mal gesehen habe, bin ich absolut von Woodstock (Wiki), der Rock-Musik und dem Hippie-Feeling infiziert !

Diese Vibes haben mich auch dazu inspiriert, meinen Woodstock-Wohnwagen mit einem feinen Woodstock-Airbrush zu versehen und ich nannte ihn ROCK-PALACE *******. Wegen meiner REISE REISE-Leidenschaft für Marrakech & Marokko, ist das Interieur orientalisch eingerichtet. Wenn Du unterwegs Mal meinen Woodstock-Wohnwagen siehst, kannst Du mir sehr gerne ein Foto zusenden und ich werde dieses dann auf meine Website stellen.

Auf meiner Website habe ich, Franz Bauer (Franchello), geboren 1958, meine Sicht und Erfahrung zum Thema Rock mit sehr viel Freude dargestellt. Zu den Bands und Festivals habe ich zu deren offiziellen Website verlinkt und, wenn angegeben, auch zu Wiki, wo Du weitere Infos findest !

Ich wünsche Dir viel Spaß beim stöbern !

Franchello

Wie der ROCK zu mir NACH NIEDERBAYERN KAM !

Nur auf bayrisch ! ... und des glangd ;-)

So hobs i dalebd

Daher kimt und darum gehds beim Rock …

A gfangd hods bei de Englenda und de Amis. Sche langsam is a dan uma grocha. Da Rock. Zu uns. Noch Niederbayern. Noch Ering und a noch Simbach. Blasmusi ham de Junga nima spuin meng. Und Stanzl singa a nima. Strom-Gidan und Schlogzeig woadns spuin. Und ins Mikro hams eini plärt. De Oidn ham blos no an Schädl gschüdld. Wia de Junga dan a. Owa hoid zua da elektrifiziadn Musi. Da Rock-Musi. So is headbanga entstandn. Des ham oiso ned de Junga sondan de Oidn erfundn.

1969

Mei und 69zge hod da Ami, der Hund, a Reketn an Mond aufe gschoßn. D Apollo 11. Da warn Leid drin. Varegg. Am 20. Juli sands dan drom am Mond gland. Dan sans a nu aus gschding. Da Neil Armstong ois erschda. Den zwoadn kent e koana mea. Owa den hams Edwin „Buzz“ Aldrin gnend. Da dridde, da Michael Collins hod dawei in da Raketn auf seine zwoa kKumpls gwad.

69zge war a a Fesdl ...

A Musikanten-Fesdl. Drend bei de Amis. In White Lake, Bethel, New York. Auf a na weng a gresan Wisn. De hod an Milibauan gherd. An Maxl. An Yasgur Maxl. D Wiesn hod zu seina Farm kead. Ja und auf seim Hof do hod a zum Hoizgliam a an Hoizstog ghobt, e kla. Ja organisiad hod des woodstock da Miche. Da Lang Miche. Mid nu a bor freind. Gnend hams des Fesdl ganz boarisch. Hoizstog hams es gnend. Auf ausländisch hoasds woodstock. Ja genau. Auf amerikanisch hoasds wiagle woodstock. Gleng, das des ausm boarisch ubasetzd hom.

Gspuid und gfeiad hams. Vom 17. bis 19. Augusd 69zge. Des ganze Wochenend war wos los. Drei dog lang mid peace & music. Love is ned am Blakad drom gstandn. Owa wos ma so herd, hams de a gmochd. Ja und Leid san a kema. Anscheinden vui Leid. Mera ois wias gmond hom. Mit ara 60.000 Leid hams grechned. Owa dan san a bor mera kema. Vui mera. Song deands 500.000 Leid. Stej da des voa. A hoawade Million Leid. Auf oam Haufa. Wens stimd, das so vui warn? Owa drei warn auf alle Fälle ned dabei. Da Neil, da Buzz und da Michael. Wei de san erscht am 24. Juli vom Mond hoam kema und wan dan drei wochan nu in Quarantäne.

Weils so vui Leid do warn, hams de Musikandn midm Hubschrauwa hi fliang miasn. A gfangd hod da Richie. Da Haven Richie. Und dan is dahi ganga. Mid de Sweetwater, Melanie, Arlo Guthrie, Joan Baez, Country Joe McDonald, John Sebastian, Santana, Canned Heat, Grateful Dead, Janis Joplin, The Who, Jefferson Airplane. Und da Joe. Da Cocker Joe. Country Joe & the Fisch, Ten Years After, Johnny Winter, Crosby Stills Nash & Young, Sha Na Na. Und a edla andare ham a nu Musi gspuid. Ja und da letzde war da Jimi. Da Hendrix Jimi.

Owa da Ami is scho a Hund. De ham des oise gfilmd. Zwanzg Kameraleid und üwa hundert Schdundn hams gfilmd in Behtel auf da Wisn. Domois scho. 69zge.

Owa wos nimma vui wissn. 69zge war nu a Fesdl. Drend bei de Englenda. Vo de Stones. De ham a bor dog vorm Woodstock a a riesn fesdl gem. Am 5. Juli 1969. In London. The Rolling Stones in the Park. Im Hyde Park. A vor 500.000 Leid. Genau so vui wie in Woodstock ! Do varegg, da hams an Bleschl ausa gschdreggd.

(Mei is des a schlechda Sound und Gsang vom Migg demJaga bim Gig 69ge im Hayd Park)

Mitte der 70er …

Ja und 74zge hams dan den woodstock fuim gspuid. A bei uns. In Niederbayern. In Ritzing. Im Sunset. Im Kino. Des hod ma daugd. Ja a so is los ganga. Des mid da Rock-Musi.

Und mid de Rogga, ana obsdrusen Voigagrubn. Da san auf amoi aufdauchd. Domois Anfang de 70er Johr. A i hobs kema seng. De ham se daher gschlicha. E weng andas warns ois wia de andan. De erstn de i gseng hob san mit am schwazn VW-Bus kema. Noch Simbach. Vo Richtung Stachus her sans kema. An da Eisdiele voabei. Und om am dache hams an schwarzn sarg drom ghabt. Ob oana dring gleng is, woas i ned so genau. Owa wias kohasn ham, des woas i nu genau. Weis bredlbroad drom gstand is: Franz K.

Ja des hod mi domois scho faszinierd und do war i glei infezierd. Beim Govi-Verlag hob i ma Bladn bschsdeid. Mei erste war von Santana, d Abraxas. Einfach subba. Und damois hod a da Watzmann grufa. Da estereichische. Aufi an Berg muas a da Bua. Zwengs da Gailtalerin. Hollaröhdulliöh.

Und a par langhorige Bombmleger aus Simbach und Umgebung ham dan a agfangt zum Rock-Musi mocha. Ois erschts in de 60er Johr hamd Evolution aufgspuid, da Nick und da Charles mit enane Kumpanen. De san domois scho bis auf Minga aufe kema und umi bis noch Linz. Da Lupo, da Dave und nu a bo Andere ham dan a agfangd: Konfuzius hams sa se gnend.

In da Viehalle in Muidoaf hams dan 75zge a a Musikfesdl gmacht. A weng gleana hoid wia in woodstock. Owa dafia a ned so weid weg. Dabei warn Birth Control und Guru Guru. Des war scho a wos. D Rolling Stones warn in Woodstock ned dabei. A ned in Muidoaf. In da Viehalle. Des hams vaschlofa, de Zipfen.

Anfang der 80er ...

Dafia san d Rolling Stones dan 81zge exdra noch Minga kema. Ins Olympiastadion. Des erschde Open Air im Olympiastadion. Do war a nu jung. Da Mick. Da Mick da Jaga. Und mir a. Mia war ma a nu jung.

Soo spuid ma d Rock-Musi …

• E-Gitarre, akustische Gitarre, E-Bass, akustischer Bass, Basspedal

• Schlagzeug, Percussion

• Keyboard, Synthesizer, Mellotron, e-Piano

• Gesang

• Performance & Show

De spuind de Rock-Musi …

wiaslharige Glachen, hoibseidane Strizen, langzodade Henasprenga, graweimochade Blaaza und Gschroamei … varegde Hund hoid

Soichane kemand zur Rock-Musi …

• hoglbuchane Graudara, Zipfen, Breznsoiza, Haumdaucha, Doagafn, Schdoffen, Biffen, owa a Buam de nu an Berg aufi miasn

• greislige Hena, Zupfgeinga, Heigeinga, Duschna, Bridschna, Tschigsn und Bigsn, owa a fesche Gailtalerinnen

• lauda Narische hoid

Des kead zur Rock-Musi, wias Amen in da Kiach …

• verruchte Spelunken mit dunklen Gestalten – wias damalige Airport in Erlach

• verrauchte Buden – jatz chick ma draußn

• satter Sound zum danzn und abfeian – bis in d fria, bis ma nima ka

• drugs kean a dazua – owa am besdn grod alk

Ja, es geht um den Spaß an der Freid, um a mords Gaudi hoid !